ಬೆಲೆ ಏರಿಕೆಯನ್ನೇ ನೋಡಿ ನೋಡಿ ಕಂಗಾಲಾಗಿದ್ದ ಜನತೆಗೆ ರಿಲೀಫ್ ಸಿಗುವ ಸಮಯ ಬರುತ್ತಿದೆ ಎಂಬ ನಿಟ್ಟುಸಿರು ಕೇಳಿ ಬರುತ್ತಿದೆ. ದೇಶದಲ್ಲಿ ಎಲ್ ಪಿಜಿ ಗ್ರಾಹಕರಿಗೆ ಬಿಗ್ ರಿಲೀಫ್ ಸಿಕ್ಕಿದೆ. ಜುಲೈ 1 ರಂದು ಬಿಡುಗಡೆಯಾದ ಹೊಸ ಬೆಲೆಗಳ ಪ್ರಕಾರ, ಎಲ್ ಪಿಜಿ ಸಿಲಿಂಡರ್ ಗಳ ಬೆಲೆಗಳಲ್ಲಿ ಭಾರೀ ಇಳಿಕೆ ಮಾಡಲಾಗಿದೆ. ಆದರೆ ಇದು ಕಮರ್ಷಿಯಲ್ ಗ್ಯಾಸ್ ಸಿಲಿಂಡರ್ಗಳಿಗೆ ಮಾತ್ರ ಅನ್ವಯ. ಗೃಹ ಬಳಕೆ ಸಿಲಿಂಡರ್ಗಳಿಗೆ ಅಲ್ಲ. ಅಷ್ಟೇ ಅಲ್ಲ, ದೆಹಲಿಯಲ್ಲಿ 185.50 ಇಳಿಕೆಯಾಗಿದ್ದರೂ, ಬೆಂಗಳೂರಿನಲ್ಲಿ ಇಳಿಕೆ ಆಗಿರುವುದು 177 ರೂ. ಇದೇಕೆ..?
ಈ ವರ್ಷ ವಾಣಿಜ್ಯ ಸಿಲಿಂಡರ್ ಬೆಲೆಗಳನ್ನು ಕಡಿಮೆ ಮಾಡಿರುವುದು ಇದೇ ಮೊದಲು. ಆದ್ರೆ ಸಾಮಾನ್ಯ ಜನರು ಬಳಸುವ 14.2 ಕೆಜಿ ದೇಶೀಯ ಎಲ್ ಪಿಜಿ ಸಿಲಿಂಡರ್ ನ ಬೆಲೆಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ತೈಲ ಕಂಪನಿಗಳು 19 ಕೆಜಿ ವಾಣಿಜ್ಯ ಗ್ಯಾಸ್ ಸಿಲಿಂಡರ್ ನ ಬೆಲೆಯನ್ನು 183.50 ರೂ.ಗಳಷ್ಟು ಕಡಿಮೆ ಮಾಡಿವೆ.
ಇತ್ತೀಚೆಗೆ ಗ್ಯಾಸ್ ಸಿಲಿಂಡರ್ ಬೆಲೆ ಗಗನಕ್ಕೇರುತ್ತಲೇ ಇತ್ತು. ಮೇ ತಿಂಗಳಲ್ಲಿ ವಾಣಿಜ್ಯ ಸಿಲಿಂಡರ್ ನ ಬೆಲೆ ದಾಖಲೆಯ ಗರಿಷ್ಠ ರೂ. 993 ಕ್ಕೆ ಏರಿತು. ನಂತರ ಜೂನ್ 1 ರಂದು ಅದು ಇನ್ನೂ ರೂ. 42 ರಷ್ಟು ಹೆಚ್ಚಾಗಿ ದೆಹಲಿಯಲ್ಲಿ 3,113.50 ಕ್ಕೆ ತಲುಪಿತು. ಇದೀಗ ಸಿಲಿಂಡರ್ ಬೆಲೆ 183.50 ಇಳಿಕೆ ಗ್ರಾಹಕರಿಗೆ ತುಸು ನೆಮ್ಮದಿ ಕೊಟ್ಟಿದೆ.
ದೆಹಲಿಯಲ್ಲಿ ವಾಣಿಜ್ಯ ಸಿಲಿಂಡರ್ ಬೆಲೆ 2,930 ರೂ. (183.50 ರೂ. ಇಳಿಕೆ). ಗೃಹಬಳಕೆ ಸಿಲಿಂಡರ್ ಬೆಲೆ 942 ರೂ. ನಲ್ಲಿ ಬದಲಾಗದೆ ಉಳಿದಿದೆ. ಲಕ್ನೋದಲ್ಲಿ, ಹೊಸ ದರಗಳ ಪ್ರಕಾರ, ಇಲ್ಲಿ ವಾಣಿಜ್ಯ ಸಿಲಿಂಡರ್ ಬೆಲೆ 3,236 ರೂ. ನಿಂದ 3,052.50 ರೂ. ಗೆ ಇಳಿದಿದೆ. ಗೃಹಬಳಕೆ ಸಿಲಿಂಡರ್ ಬೆಲೆ 979.50 ರೂ. ಅದೇ ರೀತಿ, ಕೋಲ್ಕತ್ತಾದಲ್ಲಿ, ವಾಣಿಜ್ಯ ಸಿಲಿಂಡರ್ ಬೆಲೆ 3,255.50 ರೂ. ನಿಂದ 3,081.50 ರೂ. ಗೆ ಇಳಿದಿದೆ.
ಯಾಕೆ ಈ ಬೆಲೆ ಇಳಿಕೆ?
ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ (Crude Oil) ಬೆಲೆಗಳು ನಿಯಂತ್ರಣಕ್ಕೆ ಬಂದಿರುವುದರಿಂದ ಹಾಗೂ ಜಾಗತಿಕ ಹಡಗು ಸಾಗಣೆಯ ಮಾರ್ಗಗಳು ಸುಗಮಗೊಂಡಿರುವುದರಿಂದ ಈ ಕಡಿತ ಮಾಡಲಾಗಿದೆ. ಇದು ಹೋಟೆಲ್, ರೆಸ್ಟೋರೆಂಟ್ ಮತ್ತು ಸಣ್ಣ ವ್ಯಾಪಾರಿಗಳಿಗೆ ದೊಡ್ಡ ನಿರಾಳತೆ ನೀಡಿದೆ.
ತೈಲ ಕಂಪನಿಗಳು ಪರಿಷ್ಕರಿಸಿರುವ ಹೊಸ ದರಗಳ ಪ್ರಕಾರ, 19 ಕೆಜಿ ವಾಣಿಜ್ಯ (Commercial) ಸಿಲಿಂಡರ್ ಬೆಲೆ ₹177 ಕಡಿತಗೊಂಡು ₹3,021.00 ಆಗಿತ್ತು. ತೈಲ ಕಂಪೆನಿಗಳು 185.50 ರೂ. ಇಳಿಕೆ ಮಾಡಿದ್ದರೂ ಕರ್ನಾಟಕದಲ್ಲಿ 177 ರೂ. ಇಳಿಕೆ ಹೇಗೆ ಎಂಬ ಪ್ರಶ್ನೆಗೂ ಉತ್ತರ ಇದೆ. ತೈಲ ಕಂಪನಿಗಳು ಇಡೀ ದೇಶಕ್ಕೆ ಒಂದೇ ಸಮನಾದ ಮೊತ್ತವನ್ನು ಕಡಿತಗೊಳಿಸುವುದಿಲ್ಲ. ಈ ಬಾರಿ ದೇಶದ ವಿವಿಧ ನಗರಗಳಲ್ಲಿ173 ರಿಂದ 185.50 ರೂ. ವರೆಗೆ ಇಳಿಕೆ ಮಾಡಲಾಗಿದೆ.
ಕೋಲ್ಕತ್ತಾ: ಸುಮಾರು ₹174 ಇಳಿಕೆಯಾಗಿದೆ.
ಪಾಟ್ನಾ: ₹173 ಇಳಿಕೆಯಾಗಿದೆ.
ಬೆಂಗಳೂರು: ನಮ್ಮ ಬೆಂಗಳೂರಿನಲ್ಲಿ ಸ್ಥಳೀಯ ತೆರಿಗೆಗಳ ಲೆಕ್ಕಾಚಾರದ ಅನ್ವಯ ₹177 ರಷ್ಟು ಇಳಿಕೆ ಕಂಡುಬಂದಿದೆ.
ಹೀಗಾಗಿ, ಮಾಧ್ಯಮಗಳಲ್ಲಿ ವರದಿಯಾಗುವಂತೆ “₹185,50 ಇಳಿಕೆ” ಎಂಬುದು ದೆಹಲಿಯ ಮೂಲ ಬೆಲೆಯನ್ನು ಆಧರಿಸಿರುತ್ತದೆ. ಬೆಂಗಳೂರಿಗೆ ಬರುವಷ್ಟರಲ್ಲಿ ಸ್ಥಳೀಯ ವ್ಯಾಟ್ (VAT) ಹಾಗೂ ಸಾರಿಗೆ ವೆಚ್ಚದ ಕಾರಣಕ್ಕೆ ಅದು ₹177 ರಷ್ಟು ಕಡಿತಗೊಂಡು, ಪ್ರಸ್ತುತ ಅಂತಿಮ ದರ ₹3,0212.00 ಆಗಿದೆ.
