ದೇಶದ ನಂ.1 ಬೈಕ್ ಯಾವುದು..? ಈ ಪ್ರಶ್ನೆ ಕೇಳಿದರೆ ಒಬ್ಬೊಬ್ಬರು ಒಂದೊಂದು ಉತ್ತರ ಕೊಡ್ತಾರೆ. ಅವರಿಗೆ ಇಷ್ಟವಾಗಿರುವ, ಕಡಿಮೆ ಬೆಲೆಯ, ಒಳ್ಳೆಯ ಮೈಲೇಜ್ ಕೊಡುವ ಬೈಕ್ಸ್ ಹೆಸರು ಹೇಳ್ತಾರೆ. ಆದರೆ ವಾಸ್ತವ ಗೊತ್ತೇ.. ಈಗಿನ ಈ ಕ್ಷಣಕ್ಕೆ ದೇಶದ ನಂ.1 ಬೈಕ್ ಈಗ 77,777 ರೂ.ನ ಹೀರೋ ಸ್ಪ್ಲೆಂಡರ್. ಹೌದು.. ಅದಕ್ಕೆ ಕಾರಣಗಳೂ ಇವೆ.
ಭಾರತದ ನಂಬರ್ 1 ಬೈಕ್ ಆದ ಹೀರೊ ಸ್ಪ್ಲೆಂಡರ್ ಪ್ಲಸ್ (Hero Splendor Plus) ಆರಂಭಿಕ ಎಕ್ಸ್-ಶೋರೂಮ್ ಬೆಲೆ ಸದ್ಯಕ್ಕೆ 77,777 ರೂ. ಆಗಿದೆ. ದಶಕಗಳಿಂದ ದೇಶದ ಬೈಕ್ ಮಾರುಕಟ್ಟೆಯಲ್ಲಿ ಅಧಿಪತ್ಯ ಸಾಧಿಸಿರುವ ಈ ಬೈಕ್, ಇಂದಿಗೂ ಮಧ್ಯಮ ವರ್ಗದ ಗ್ರಾಹಕರ ಮೊದಲ ಆಯ್ಕೆಯಾಗಿದೆ.
| ಹೀರೊ ಸ್ಪ್ಲೆಂಡರ್ ಪ್ಲಸ್ ಹೈಲೈಟ್ಸ್ ಎಂಜಿನ್ ಸಾಮರ್ಥ್ಯ: 97.2 ಸಿಸಿ (cc) ಏರ್-ಕೂಲ್ಡ್, ಸಿಂಗಲ್-ಸಿಲಿಂಡರ್ ಎಂಜಿನ್. ಮೈಲೇಜ್: ಪ್ರತಿ ಲೀಟರ್ಗೆ ಸರಿಸುಮಾರು 70 ಕಿಲೋಮೀಟರ್ ಅತ್ಯುತ್ತಮ ಮೈಲೇಜ್ ನೀಡುತ್ತದೆ. ತಂತ್ರಜ್ಞಾನ: ಇದರಲ್ಲಿ ಇಂಧನ ಉಳಿತಾಯ ಮಾಡುವ ಹೀರೊ ಸಂಸ್ಥೆಯ ವಿಶೇಷ i3S (Idle Stop-Start System) ತಂತ್ರಜ್ಞಾನವಿದೆ. ಸುರಕ್ಷತೆ: ಸುರಕ್ಷಿತ ಪ್ರಯಾಣಕ್ಕಾಗಿ ಇಂಟಿಗ್ರೇಟೆಡ್ ಬ್ರೇಕಿಂಗ್ ಸಿಸ್ಟಮ್ (IBS) ಮತ್ತು ಟ್ಯೂಬ್ಲೆಸ್ ಟೈರ್ಗಳನ್ನು ನೀಡಲಾಗಿದೆ. ಅಲ್ಲದೆ ಸ್ಪ್ಲೆಂಡರ್ ಪ್ಲಸ್ ಬೈಕ್ ಒಟ್ಟು 4 ವಿವಿಧ ವೇರಿಯೆಂಟ್ಗಳಲ್ಲಿ ಲಭ್ಯವಿದೆ.ವೇರಿಯೆಂಟ್ ಹೆಸರು | ಆರಂಭಿಕ ಎಕ್ಸ್-ಶೋರೂಮ್ ಬೆಲೆ |
| Splendor Plus Standard | ₹ 77,777 |
| Splendor Plus Black and Accent | ₹ 78,580 |
| Splendor Plus I3S | ₹ 78,910 |
| Splendor Plus Million Edition | ₹ 80,531 |
77,777 ರೂ. ಎಂಬುದು ಕೇವಲ ಎಕ್ಸ್-ಶೋರೂಮ್ ಬೆಲೆಯಾಗಿದ್ದು, ಇದಕ್ಕೆ ಆರ್ಟಿಒ (RTO) ನೋಂದಣಿ, ಇನ್ಶೂರೆನ್ಸ್ ಮತ್ತು ರೋಡ್ ಟ್ಯಾಕ್ಸ್ ಎಲ್ಲವೂ ಸೇರಿದಾಗ ಬೆಂಗಳೂರಿನಲ್ಲಿ ಇದರ ಅಂದಾಜು ಆನ್-ರೋಡ್ ಬೆಲೆ ಸುಮಾರು 94,000 ರೂ. ದಾಟಬಹುದು. ಯಾವುದೇ ಕಾರಣಕ್ಕೂ ಇದು 1 ಲಕ್ಷ ರೂ. ದಾಟುವುದಿಲ್ಲ. ಹೀಗಾಗಿಯೇ ಇದು ಈಗಲೂ ಮಧ್ಯಮ ವರ್ಗದ ಗ್ರಾಹಕರ ನಂ.1 ಆಯ್ಕೆಯಾಗಿ ಉಳಿದುಕೊಂಡಿದೆ.
ಹೀರೋ ಸ್ಪ್ಲೆಂಡರ್ ಮಾರಾಟದಲ್ಲಿ ಶೇ. 35.9 ರಷ್ಟು ಹೆಚ್ಚಳ
ಜುಲೈ 2026 ರಲ್ಲಿ ಹೀರೋ ಸ್ಪ್ಲೆಂಡರ್ ಅಸಾಧಾರಣವಾಗಿ ಉತ್ತಮ ಪ್ರದರ್ಶನ ನೀಡಿದೆ. ಜುಲೈ 2025 ರಲ್ಲಿ 246,715 ಯುನಿಟ್ಗಳಿಂದ ಜುಲೈ 2026 ರಲ್ಲಿ 335,346 ಯುನಿಟ್ಗಳಿಗೆ ಮಾರಾಟ ಹೆಚ್ಚಾಗಿದೆ. ಇದು ವರ್ಷದಿಂದ ವರ್ಷಕ್ಕೆ ಮಾರಾಟದಲ್ಲಿ ಶೇ. 35.9 ರಷ್ಟು ಹೆಚ್ಚಳವನ್ನು ಕಾಣ್ತಿದೆ. ಹೀರೋ ಸ್ಪ್ಲೆಂಡರ್ 97.2 ಸಿಸಿ ಎಂಜಿನ್ನಿಂದ ನಿಯಂತ್ರಿಸಲ್ಪಡುತ್ತದೆ.
ಹೋಂಡಾ ಆಕ್ಟಿವಾಗೆ ಎರಡನೇ ಸ್ಥಾನ
ಹೋಂಡಾ ಆಕ್ಟಿವಾ 206,170 ಯುನಿಟ್ಗಳ ಮಾರಾಟದೊಂದಿಗೆ ಎರಡನೇ ಸ್ಥಾನದಲ್ಲಿದೆ. ಇದರ ಮಾರಾಟವು ವರ್ಷದಿಂದ ವರ್ಷಕ್ಕೆ ಶೇ 13.1 ರಷ್ಟು ಕಡಿಮೆಯಾಗಿದೆ. ಜುಲೈ 2025 ರಲ್ಲಿ, ಆಕ್ಟಿವಾ 237,413 ಯುನಿಟ್ಗಳನ್ನು ಮಾರಾಟ ಮಾಡಿದೆ. ಮಾರಾಟದಲ್ಲಿ ಕುಸಿತದ ಹೊರತಾಗಿಯೂ, ಆಕ್ಟಿವಾ ಟಾಪ್ 10 ರಲ್ಲಿ ತನ್ನ ಎರಡನೇ ಸ್ಥಾನವನ್ನು ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ.
ಹೋಂಡಾ ಶೈನ್ ಮಾರಾಟದಲ್ಲಿ ಹೆಚ್ಚಳ
ಹೋಂಡಾ ಶೈನ್ ಕೂಡ ಮೂರನೇ ಸ್ಥಾನದಲ್ಲಿ ತನ್ನ ಸ್ಥಾನವನ್ನು ಕಾಯ್ದುಕೊಂಡಿದೆ. ಜುಲೈ 2026 ರಲ್ಲಿ, 191,950 ಯುನಿಟ್ ಮಾರಾಟವಾಗಿತ್ತು. ಜುಲೈ 2025 ರಲ್ಲಿ 159,658 ಯುನಿಟ್ ಮಾರಾಟವಾಗಿತ್ತು. ಇದನ್ನು ನೋಡಿದ್ರೆ ಶೈನ್ ಮಾರಾಟವು ವರ್ಷದಿಂದ ವರ್ಷಕ್ಕೆ ಶೇ 20.2 ರಷ್ಟು ಹೆಚ್ಚಾಗಿದೆ. ಇದರ ನಂತರ, ಟಿವಿಎಸ್ ಜೂಪಿಟರ್ ನಾಲ್ಕನೇ ಸ್ಥಾನದಲ್ಲಿದೆ. ಸುಜುಕಿ ಆಕ್ಸೆಸ್ ಐದನೇ ಸ್ಥಾನವನ್ನು ಪಡೆದುಕೊಂಡಿದೆ. ಇನ್ನು ಬಜಾಜ್ ಪಲ್ಸರ್ 66,156 ಯುನಿಟ್ ಮಾರಾಟದೊಂದಿಗೆ ಆರನೇ ಸ್ಥಾನದಲ್ಲಿದೆ. ಟಿವಿಎಸ್ ಅಪಾಚೆ, ಏಳನೇ ಸ್ಥಾನದಲ್ಲಿದೆ.
