ಗೃಹಜ್ಯೋತಿ ಯೋಜನೆ ಫಲಾನುಭವಿಗಳ ಪರಿಶೀಲನೆ ನಡೆಯುತ್ತಿದೆ. ಈ ಪ್ರಕ್ರಿಯೆಗೆ ಜುಲೈ 31 ಕೊನೆಯ ದಿನಾಂಕ ಅಲ್ಲ. ಬಹುತೇಕರು ಹಾಗೆಂದು ನಂಬಿಕೊಂಡಿದ್ಧಾರೆ ಅಥವಾ ಆ ರೀತಿ ಸುಳ್ಳು ಸುದ್ದಿ ಹಬ್ಬಿಸಿದ್ಧಾರೆ. ದಾಖಲೆಗಳ ಪರಿಶೀಲನೆಗೆ ಯಾವುದೇ ಡೆಡ್ ಲೈನ್ ಇಲ್ಲ. ಆಗಸ್ಟ್ ತಿಂಗಳಲ್ಲೂ ನಡೆಯಲಿದೆ. ಸೆಪ್ಟೆಂಬರಿನಲ್ಲೂ ನಡೆಯಲಿದೆ. ಗೃಹಜ್ಯೋತಿ ಯೋಜನೆಗೆ ಅರ್ಜಿ ಸಲ್ಲಿಸಲು ಅಥವಾ ಆನ್ಲೈನ್ ಅಪ್ಡೇಟ್ ಮಾಡಲು ಯಾವುದೇ ಅಂತಿಮ ಗಡುವು (Last Date) ಇಲ್ಲ.
ಸರ್ಕಾರದ ಸೂಚನೆಯಂತೆ ಜುಲೈ ಆರಂಭದಿಂದಲೇ ಬೆಸ್ಕಾಂ ಸೇರಿದಂತೆ ಆಯಾ ಎಸ್ಕಾಗಳ ಸಿಬ್ಬಂದಿ ಫಲಾನುಭವಿಗಳ ಮನೆಗೆ ಬರುತ್ತಾರೆ. ಈ ನಡುವೆ ಪರಿಶೀಲನೆಗೆ ಜುಲೈ 31 ಅಂತಿಮ ಗಡುವು ಎಂಬ ವದಂತಿಗಳು ಹರಿದಾಡುತ್ತಿದ್ದು, ಬೆಸ್ಕಾಂ, ಎಸ್ಕಾಂ, ಹೆಸ್ಕಾಂ, ಚೆಸ್ಕಾಂ..ಹೀಗೆ ಎಲ್ಲ ಕಡೆಗಳಿಂದಲೂ ಸ್ಪಷ್ಟನೆ ಬರುತ್ತಿದೆ. ಗೃಹಜ್ಯೋತಿ ಪರಿಶೀಲನೆ ಕೊನೆಯ ದಿನಾಂಕ ಉಲ್ಲೇಖಿಸಿಲ್ಲ. ಆಗಸ್ಟ್ ಪೂರ್ತಿ ತಿಂಗಳು ಮನೆ ಮನೆಗೆ ಭೇಟಿ ನೀಡಿ ಪರಿಶೀಲನೆ ನಡೆಸುತ್ತೇವೆ. ಆ ಬಳಿಕ ಸರ್ಕಾರ ಅಥವಾ ಎಸ್ಕಾಂ ಸೂಚನೆ ನೀಡಿದರೆ ಪರಿಶೀಲನೆ ನಿಲ್ಲಿಸಲಾಗುತ್ತದೆ.
ಬೆಸ್ಕಾಂ ವ್ಯಾಪ್ತಿಯಲ್ಲಿ ಬೆಂಗಳೂರು ಸೇರಿದಂತೆ ಹಲವು ಜಿಲ್ಲೆಗಳು ಬರುತ್ತವೆ. 68.86 ಲಕ್ಷ ಮಂದಿ ಗೃಹ ಜ್ಯೋತಿ ಯೋಜನೆ ಫಲಾನುಭವಿಗಳಿದ್ದಾರೆ. ಜುಲೈ 28ವರೆಗೂ ಶೇಕಡಾ 50 ರಷ್ಟು ಫಲಾನುವಿಗಳ ದಾಖಲೆ ಪರಿಶೀನೆಯಾಗಿದೆಯಷ್ಟೇ. ಇನ್ನೂ ಅರ್ಧದಷ್ಟು ಬಾಕಿ ಇದೆ.
ಪ್ರತಿ ತಿಂಗಳ ಉಚಿತ ವಿದ್ಯುತ್ ಸೌಲಭ್ಯದ ಪರಿಗಣನೆಗೆ ಸಂಬಂಧಿಸಿದಂತೆ ಈ ಕೆಳಗಿನ ನಿಯಮಗಳಿವೆ. ಇವುಗಳ ಪ್ರಕಾರ ಪ್ರತಿ ತಿಂಗಳು 27ನೇ ತಾರೀಖಿನೊಳಗೆ ಅರ್ಜಿ ಸಲ್ಲಿಸಿದರೆ, ಆ ತಿಂಗಳಿನಿಂದಲೇ ಉಚಿತ ವಿದ್ಯುತ್ ಸೌಲಭ್ಯ ಅನ್ವಯವಾಗುತ್ತದೆ. ನಂತರ ಅರ್ಜಿ ಸಲ್ಲಿಸಿದರೆ: 27ನೇ ತಾರೀಖಿನ ನಂತರ ಸಲ್ಲಿಸುವ ಅರ್ಜಿಗಳನ್ನು ಮುಂದಿನ ತಿಂಗಳ ಬಿಲ್ಲಿಂಗ್ ಅವಧಿಗೆ ಪರಿಗಣಿಸಲಾಗುತ್ತದೆ. ಸ್ತುತ ಚಾಲ್ತಿಯಲ್ಲಿರುವ ಇಂಧನ ಇಲಾಖೆಯ ಸಿಬ್ಬಂದಿಯ ಮನೆ-ಮನೆ ಪರಿಶೀಲನೆ ಪ್ರಕ್ರಿಯೆಯು ಕೇವಲ ದಾಖಲೆಗಳ ನವೀಕರಣಕ್ಕಾಗಿ ಮಾತ್ರವಾಗಿದ್ದು, ಇದರಿಂದ ನಿಮ್ಮ ಉಚಿತ ವಿದ್ಯುತ್ ಸೌಲಭ್ಯ ಸ್ಥಗಿತಗೊಳ್ಳುವುದಿಲ್ಲ
ಏನೆಲ್ಲಾ ದಾಖಲೆಗಳು ಬೇಕು?
- ಹಳೆಯ ಕರೆಂಟ್ ಬಿಲ್ ( ಮೀಟರ್ ಖಾತೆ ಸಂಖ್ಯೆಗಾಗಿ)
- ಫಲಾನುಭವಿ ಆಧಾರ್ ಕಾರ್ಡ್
- ಆಧಾರ್ಗೆ ನೋಂದಣಿಯಾದ ಮೊಬೈಲ್ (ಒಟಿಪಿಗಾಗಿ)
- ಮತದಾರರ ಗುರುತಿನ ಚೀಟಿ (ವೋಟರ್ ಐಟಿ – ಮತದಾರರೆಂದು ಖಚಿತಪಡಿಸಿಕೊಳ್ಳಲು)
- ರೇಷನ್ ಕಾರ್ಡ್ (ಇದ್ದರೆ ಮಾತ್ರ)
- ಬಾಡಿಗೆ ಕರಾರು ಪತ್ರ (ಬಾಡಿಗೆ ಮನೆಯಲ್ಲಿದ್ದರೆ)
- ಪಾನ್ ಕಾರ್ಡ್ (ತೆರಿಗೆ ಪಾವತಿದಾರರಾದರೆ ಮಾತ್ರ)
- 1 ಪಾಸ್ ಪೋರ್ಟ್ ಸೈಜ್ ಪೋಟೋ.
- ಫಲಾನುಭವಿ ಭರ್ತಿ ಮಾಡಿ ಸಹಿ ಮಾಡಿದ ಅರ್ಜಿ.
ಬೆಸ್ಕಾಂ ಸಹಾಯವಾಣಿ – 9480816111, 9480816112, 9480816113, 9480816114
ಹಜ್ಯೋತಿ ಯೋಜನೆಯಡಿ ಫಲಾನುಭವಿಗಳ ಮನೆ-ಮನೆಗೆ ಭೇಟಿ ನೀಡಿ ಪರಿಶೀಲನಾ ಕಾರ್ಯವನ್ನು ನಡೆಸುತ್ತಿದೆ. ಈ ಪ್ರಕ್ರಿಯೆಯಲ್ಲಿ ಮೀಟರ್ ರೀಡರ್ ಹಾಗೂ ಲೈನ್ಮ್ಯಾನ್ಗಳು ನಿಮ್ಮ ಮನೆಗೆ ಬರುತ್ತಾರೆ. ಆನ್ಲೈನ್ ಸ್ಥಿತಿಯನ್ನು ತಿಳಿಯಲು Seva Sindhu Portal ಬಳಸಬಹುದು.
