ಬಣ್ಣಾ.. ನನ್ನ ಒಲವಿನ ಬಣ್ಣಾ..
ನೀ ನಕ್ಕರೆ ಹಸಿರು ಉಲ್ಲಾಸದ ಉಸಿರು..
ನೂರಾಸೆಯ ಚಿಲುಮೆಯ ಬಣ್ಣ..
ಬಣ್ಣಾ.. ಬಣ್ಣಾ.. ಬಣ್ಣಾ.. ಬಣ್ಣಾ…
ಈ ಹಾಡು ಹರಿಪ್ರಿಯಾ ವಸಿಷ್ಠ ಸಿಂಹ ಜೋಡಿಯ ಲವ್ ಸ್ಟೋರಿ ಕೇಳಿದಾಗ ನೆನಪಾದರೆ ಅಚ್ಚರಿ ಪಡಬೇಕಿಲ್ಲ. ಇವರ ಲವ್ ಸ್ಟೋರಿ ಶುರುವಾಗುವುದೇ ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಚಿತ್ರದಿಂದ.
ನಮ್ಮಿಬ್ಬರ ಪ್ರೀತಿ ಶುರುವಾಗಿದ್ದು ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಚಿತ್ರದಿಂದ. ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ನೋಡಿದ ಹರಿಪ್ರಿಯಾ ಅವರಿಗೆ ವಸಿಷ್ಠ ಸಿಂಹ ಅವರ ಪಾತ್ರ ಇಷ್ಟವಾಯಿತು. ನಟನೆ ಇಷ್ಟವಾಯಿತು. ವಿಷ್ ಮಾಡಿದ್ರು. ಫೋನ್ ಮಾಡಿದ್ರು. ಮತ್ತೆ ಮತ್ತೆ ಫೋನ್ ಮಾಡ್ತಾ ಹೋದ್ರು. ಮಾತನಾಡ್ತಾ ಹೋದ್ರು. ಮಧ್ಯೆ ಕೊರೊನಾ ಬಂತು. ಸಿಕ್ಕಾಪಟ್ಟೆ ಬಿಡುವು ಸಿಕ್ಕಿತು. ಇಷ್ಟು ಸುದೀರ್ಘ ಮಾತುಕತೆಯ ಮಧ್ಯೆ ಇಬ್ಬರ ಮಧ್ಯೆ ಪ್ರೀತಿ ಶುರುವಾಗಿದ್ದು ಹೇಗೆ..? ಇಬ್ಬರಿಗೂ ಗೊತ್ತಿಲ್ಲ. ಆದರೆ ಪ್ರೀತಿಯಲ್ಲಿ ಕಂಪ್ಲೀಟ್ ಲಾಕ್ ಆಗಿದ್ದು ಲಾಕ್ ಡೌನ್ ಸಮಯದಲ್ಲಿ.
ಜನವರಿ 26ರಂದು ಮೈಸೂರಿನಲ್ಲಿ ಮದುವೆಯಾಗುತ್ತಿರುವ ಸಿಂಹ ಪ್ರಿಯಾ ಜೋಡಿ ಪ್ರೀತಿ ಹುಟ್ಟಿದ್ದು ಹೇಗೆ? ಯಾವಾಗ? ಎಲ್ಲಿ? ಮೊದಲು ಪ್ರಪೋಸ್ ಮಾಡಿದ್ದು.. ಹೀಗೆ ಎಲ್ಲ ವಿಷಯ ಹಂಚಿಕೊಂಡರು. ವಸಿಷ್ಠ ಸಿಂಹ ಅವರಂತೂ ನಾಯಿ ಮರಿ ಕಥೆಯನ್ನು ಕೇಳಿ ಬೇಸತ್ತು ಹೋದ ಹಾಗಿತ್ತು. ನಾನು ನಾಯಿಮರಿ ಕೊಟ್ಟು ಪಟಾಯಿಸಿಕೊಳ್ಳಲಿಲ್ಲ ಎಂಬ ಕಾಲ್ಪನಿಕ ವರದಿಗಳನ್ನು ಲೇವಡಿ ಮಾಡುತ್ತಲೇ, ನಾಯಿಮರಿ ಕೊಟ್ಟಿದ್ದು ನಿಜ. ಆದರೆ ಲವ್ ಸ್ಟೋರಿ ಶುರುವಾದ ಮೇಲೆ ಎಂದು ಹೇಳಿಕೊಂಡರು. ಮನಸುಗಳ ಮಾತು ಮಧುರ ನೋಡಿ ನಟನೆಯನ್ನು ಇಷ್ಟಪಟ್ಟೆ. 
ಉಗ್ರಂ ಚಿತ್ರ ನೋಡಿ ಅವರ ಅಭಿಮಾನಿಯಾದೆ. ಸೂಜಿದಾರ ಸಿನಿಮಾ ನೋಡಿ ಕಳೆದೇ ಹೋಗ್ಬಿಟ್ಟೆ. ಅವರ ಟ್ಯಾಲೆಂಟ್ ಇಷ್ಟವಾಯಿತು. ನನ್ನ ಕಷ್ಟದ ದಿನಗಳಲ್ಲಿ ಅವರು ನನ್ನ ಜೊತೆಗಿದ್ದರು. ನಮ್ಮಿಬ್ಬರದೂ ಎರಡೂವರೆಮೂರು ವರ್ಷದ ಪ್ರೀತಿ ಎನ್ನುವ ವಸಿಷ್ಠ ಸಿಂಹ ಮೊದಲು ಪ್ರಪೋಸ್ ಮಾಡಿದ್ದು ನಾನೇ ಎಂದರು.
ನನಗೆ ಮೈಸೂರು ಇಷ್ಟ. ಮೈಸೂರಿನ ಹುಡುಗ. ಹೀಗಾಗಿ ಮೈಸೂರಿನಲ್ಲಿಯೇ ಮದುವೆಯಾಗುತ್ತಿದ್ದೇವೆ. ಬೆಂಗಳೂರಿನಲ್ಲಿ ಆರತಕ್ಷತೆ ಇದೆ ಎಂದರು ವಸಿಷ್ಠ. ಹರಿಪ್ರಿಯಾ ಅವರಿಗೆ ವಸಿಷ್ಠ ಸಿಂಹ ಫ್ಯಾನ್ ಅಂತೆ. ನಮ್ಮಿಬ್ಬರ ಪ್ರೀತಿ ಹೆಚ್ಚಾಗಿದ್ದು ಲಾಕ್ ಡೌನ್ ಕಾಲದಲ್ಲಿ. ಸಿಂಹ ನನಗೆ ಪ್ರಪೋಸ್ ಮಾಡಿದ್ದು ಅಪ್ಪ ತೀರಿ ಹೋದ ದಿನ. ನನಗೂ ಹೇಳಿಕೊಳ್ಳೋ ಆಸೆ ಇತ್ತು. ಮದುವೆ ಆದ ಮೇಲೆ ಸಿನಿಮಾವನ್ನೇನೂ ಬಿಡಲ್ಲ. ಆದರೆ ಬ್ರೇಕ್ ತೆಗೆದುಕೊಳ್ತೇನೆ. ಮದುವೆ, ಮ್ಯಾರೇಜ್ ಲೈಫ್ನ್ನ ಎಂಜಾಯ್ ಮಾಡಬೇಕು. ಆನಂತರ ಒಳ್ಳೆಯ ಕಥೆ, ಪಾತ್ರ ಸಿಕ್ಕರೆ ನಟಿಸುತ್ತೇನೆ ಎಂದರು ಹರಿಪ್ರಿಯಾ.
