ಸಂಜು ಮತ್ತು ಗೀತಾ..
ಸೇರಬೇಕು ಅಂತಾ..
ಬರೆದಾಗಿದೆ ಆ ಬ್ರಹ್ಮನು..
ಗಗನವೇ ಬಾಗಿ.. ಭುವಿಯನು ಕೇಳಿದ ಹಾಗೆ..
ಕಡಲು ಕರೆದಂತೆ ನದಿಯನೂ ಭೇಟಿಗೆ..
ಯಾರು ಬಂದಿರದ ಮನಸಲಿ ನಿನ್ನ ಆಗಮನ ಈ ದಿನ
ನೀಡುವ ಮುನ್ನ ನಾನೆ ಆಮಂತ್ರಣ
ಒಮ್ಮೆ ಬಾರೋ.. ಒಮ್ಮೆ ಬಾರೋ..
ಎಲ್ಲೆ ನೀನಿದ್ದರೂ..
ಒಮ್ಮೆ ಬಾರೋ.. ಒಮ್ಮೆ ಬಾರೋ..
ಹೇಗೆ ನೀ ಇದ್ದರೂ..
ಹಾಡುಗಳನ್ನು ಪ್ರೇಮಿಗಳು ಮರೆಯೋದಾದರೂ ಹೇಗೆ..? ಸಂಜು ವೆಡ್ಸ್ ಗೀತಾ (Sanju Weds Geetha) ಸೃಷ್ಟಿಸಿದ್ದ ಮೋಡಿಯೇ ಅಂಥದ್ದು. ಆ ಚಿತ್ರ ಶ್ರೀನಗರ ಕಿಟ್ಟಿ (Srinagara Kitti) ಮತ್ತು ರಮ್ಯಾ (Ramya/Divya Spandana) ಇಬ್ಬರಿಗೂ ಲೈಫ್ ಟೈಂ ಬೆಸ್ಟ್ ಸಿನಿಮಾ. ನಿರ್ದೇಶನ ಮಾಡಿದ್ದು ನಾಗಶೇಖರ್. ಅವರ ಮಾಸ್ಟರ್ ಪೀಸ್ (Master Piece) ಕೂಡಾ ಅದೇ ಸಂಜು ವೆಡ್ಸ್ ಗೀತಾ . ಈಗ ಮತ್ತೊಮ್ಮೆ ಬರುತ್ತಿದ್ದಾರೆ. ಹಳೇ ಸಂಜು.. ಹೊಸ ಗೀತಾ..
ಹೀರೋ ಅದೇ ಶ್ರೀನಗರ ಕಿಟ್ಟಿ. ಹೀರೋಯಿನ್ ರಚಿತಾ ರಾಮ್ (Rachitha Ram) . ರಮ್ಯಾ (Ramya) ಅಲ್ಲ. ಆದರೆ ಟೀಸರಿನಲ್ಲಿ ರಮ್ಯಾ (Ramya) ವಾಯ್ಸ್ ಇದೆ. ಐ ಲವ್ ಯೂ ಸಂಜು (I Love You Sanju) ಅನ್ನೋ ಸಂಜು ವೆಡ್ಸ್ ಗೀತಾದ (Sanju Weds Geetha) ರಮ್ಯಾ ವಾಯ್ಸ್`ನ್ನೇ ಸದ್ಯಕ್ಕೆ ಉಳಿಸಿಕೊಂಡಿದ್ದಾರೆ ನಾಗಶೇಖರ್ (Nagashekhar) . ರಚಿತಾ ರಾಮ್ (Rachitha Ram) ಸೇರಿದ್ದಾರೆ ಎನ್ನುವುದು ಬಿಟ್ಟರೆ, ಬಹುತೇಕ ಮೊದಲ ಭಾಗದಲ್ಲಿದ್ದ ಕಲಾವಿದರೇ ಈ ಸಿನಿಮಾದಲ್ಲೂ ಇರುತ್ತಾರೆ.
ಸಂಜು ವೆಡ್ಸ್ ಗೀತಾ 2 ಟೀಸರ್ ರಿಲೀಸ್ ಆಗಿದೆ. ಬೆಂಗಳೂರಿನ ಲಲಿತ್ ಅಶೋಕ್ (Hotel Lalith Ashok) ಹೋಟೆಲ್ನಲ್ಲಿ ಅದ್ದೂರಿಯಾಗಿ ‘ಸಂಜು ವೆಡ್ಸ್ ಗೀತಾ-2’ ಚಿತ್ರದ ಮುಹೂರ್ತ, ಟೀಸರ್ ಬಿಡುಗಡೆ ನೆರವೇರಿತು. ನಾಗಶೇಖರ್ ಮೂವೀಸ್, ಪವಿತರ ಇಂಟರ್ ನ್ಯಾಷನಲ್ ಮೂವೀಮೇಕರ್ಸ್ ಸಹಯೋಗದೊಂದಿಗೆ ಮಹಾನಂದಿ ಕ್ರಿಯೇಶನ್ಸ್ ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ನಾಗಶೇಖರ್ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. ಮುಹೂರ್ತ ದೃಶ್ಯಕ್ಕೆ ಶ್ರೀಮತಿ ಅಶ್ವಿನಿ ಪುನೀತ್ ರಾಜ್ ಕುಮಾರ್ (Ashwini Puneeth Rajkumar) ಅವರು ಕ್ಲಾಪ್ ಮಾಡಿದರೆ, ನಾಗಶೇಖರ್ ಅವರ ತಾಯಿ ವರಲಕ್ಷ್ಮೀ ಕ್ಯಾಮೆರಾ ಸ್ವಿಚ್ ಆನ್ ಮಾಡಿದರು. ಈ ಚಿತ್ರವನ್ನು ಪುನೀತ್ ರಾಜಕುಮಾರ್ ಅವರಿಗೆ ಅರ್ಪಣೆ ಮಾಡುವ ಮೂಲಕ ನಾಗಶೇಖರ್, ರಾಜರತ್ನನಿಗೆ ಗೌರವ ಸಲ್ಲಿಸಿದ್ದಾರೆ.
ರಮ್ಯಾ (Ramya) ಅವರ ಬದಲಾಗಿ ಯಾರನ್ನು ಹಾಕಿಕೊಳ್ಳೋದು ಅಂತ ನಾನು ತುಂಬ ಯೋಚನೆ ಮಾಡಿದ್ದೆ. ತ್ರಿಷಾ (Thrisha) ಅಥವಾ ರಚಿತಾ ರಾಮ್ ಇಬ್ಬರಲ್ಲಿ ಒಬ್ಬರು ಈ ಸಿನಿಮಾದಲ್ಲಿ ನಟಿಸಬೇಕು ಅಂತ ಅಂದುಕೊಂಡಿದ್ದೆ. ಆಮೇಲೆ ಈ ಪಾತ್ರದಲ್ಲಿ ರಚಿತಾ ರಾಮ್ ಅವರನ್ನು ಹಾಕಿಕೊಳ್ಳಬೇಕು ಅಂತ ಫಿಕ್ಸ್ ಆದೆ. ರಚಿತಾ ರಾಮ್ ಅವರು ಅದ್ಭುತವಾದ ಅಭಿನಯದ ಮೂಲಕವೇ ಅವರು ಹೆಸರು ಮಾಡಿದ್ದಾರೆ. ನನ್ನ ಚಿತ್ರದಲ್ಲಿ ಈ ಪಾತ್ರಕ್ಕೆ ಜೀವ ತುಂಬುವುದೇ ಅಭಿನಯ ಎನ್ನುವ ನಾಗಶೇಖರ್, ಟೀಸರಿನಲ್ಲಿಯೇ ತಾವು ಹಾಡುಗಳಿಗೆ ಎಷ್ಟು ಪ್ರಾಮುಖ್ಯತೆ ಕೊಡುತ್ತೇವೆ ಎಂದು ತೋರಿಸಿದ್ದಾರೆ. ಸಂಜು ವೆಡ್ಸ್ ಗೀತಾ 2ನಲ್ಲೂ ನಾಗಶೇಖರ್ ಹಾಡುಗಳ ಮೆರವಣಿಗೆ ಹೊರಡುತ್ತಾರೆ. 5 ಹಾಡುಗಳು ಕಂಪೋಸ್ಟ್ ಆಗಿದ್ದು, ಶ್ರೀಧರ್ ಸಂಭ್ರಮ್ ಮ್ಯೂಸಿಕ್ ಇದೆ.
ನಾಗಶೇಖರ್ ಸಿನಿಮಾ ಕಥೆಗೆ ಹೆಚ್ಚು ಪ್ರಾಮುಖ್ಯತೆ ಕೊಡುತ್ತಾರೆ. ನನ್ನ ಲ್ಯಾಂಡ್ ಮಾರ್ಕ್ ಸಿನಿಮಾಗಳಲ್ಲಿ ಸಂಜು ವೆಡ್ಸ್ ಗೀತಾ ಒಂದು. ಅದ್ಭುತವಾದ ಪ್ರೇಮಕಥೆಯೊಂದಿಗೆ ಮತ್ತೆ ಬರುತ್ತೇವೆ. ಮೊದಲ ಚಿತ್ರಕ್ಕಿಂತ ಈ ಚಿತ್ರದ ಪಾತ್ರ ಇನ್ನೂ ಚೆನ್ನಾಗಿದೆ. ರಚಿತಾ ರಾಮ್ ಅವರ ಜೊತೆ ಮೊದಲಬಾರಿಗೆ ತೆರೆ ಹಂಚಿಕೊಳ್ಳುತ್ತಿದ್ದೇನೆ ಎಂದು ಹೇಳಿಕೊಳ್ಳುವ ಶ್ರೀನಗರ ಕಿಟ್ಟಿಯವರಂತೂ ಚಿತ್ರದ ಮೇಲೆ ವಿಶ್ವಾಸದಿಂದಿದ್ದಾರೆ.
ನಾಗಶೇಖರ್ ಅವರ ಜೊತೆ ಫಸ್ಟ್ ಟೈಮ್ ಕೆಲಸ ಮಾಡುತ್ತಿದ್ದೇನೆ. ಚಿತ್ರದ ಬಗ್ಗೆ ಅವರಿಗೆ ಡೆಡಿಕೇಶನ್ ಜಾಸ್ತಿ, ಅದನ್ನು ಫೋಟೋಶೂಟ್ ಸಮಯದಲ್ಲೇ ನೋಡಿದೆ. ನನ್ನ ಪಾತ್ರಕ್ಕೆ ನ್ಯಾಯ ಒದಗಿಸುತ್ತೇನೆ ಎಂದು ಭರವಸೆ ಕೊಟ್ಟಿದ್ದಾರೆ ರಚಿತಾ ರಾಮ್.
ಚಿತ್ರಕೆಕ ಒಬ್ಬರಲ್ಲ ಇಬ್ಬರು ನಿರ್ಮಾಪಕರಿದ್ದಾರೆ. ಚಲುವಾದಿ ಕುಮಾರ್, ನಾರಾಯಣ ಎಂ.ಸಿ. ಜೊತೆಗೆ ನಾಗಶೇಖರ್ ಇದ್ದಾರೆ. ಚಿತ್ರದ ಕಥೆ, ಟೀಂ ಹಾಗೂ ನಾಗಶೇಖರ್ ಅವರ ಮೇಲೆ ವಿಶ್ವಾಸ ಇಟ್ಟೇ ಸಿನಿಮಾಗೆ ಬಂಡವಾಳ ಹೂಡಿದ್ದಾರೆ.
