ಧ್ರುವ ಸರ್ಜಾ ಕುಟುಂಬಕ್ಕೆ ಎರಡನೇ ಗಂಡು ಮಗು : ದೊಡ್ಡಮ್ಮ ಮೇಘನಾ ರಾಜ್ ಏನಂತ ಕರೀತಾರಂತೆ..!

ಧ್ರುವ ಸರ್ಜಾ (Dhruva Sarja) ಮನೆಯಲ್ಲಿ ಸಂತಸದ ಮೆರವಣಿಗೆ ಹೊರಟಂತಿದೆ. ಧ್ರುವ ಸರ್ಜಾ (Dhruva Sarja) ಅವರ ಮನೆಗೀಗ ಮುದ್ದು ಮಗನೂ ಬಂದಿದ್ದಾನೆ. ದೊಡ್ಡವಳು ಮಗಳು. ಅವಳಗೀಗ ಪುಟ್ಟ ತಮ್ಮ. ಧ್ರುವ ಸರ್ಜಾ ಮನೆಯಲ್ಲೀಗ ಸಂಭ್ರಮ ಮನೆ ಮಾಡಿದೆ. ಧ್ರುವ ಪ್ರಕಾರ ಹೇಳಬೇಕಂದ್ರೆ.. ಮೂರನೆಯ ಮಗು. ಲೆಜೆಂಡರಿಗಳು ಹುಟ್ಟಿದ ದಿನ ಮಗ ಹುಟ್ಟಿರುವುದೇ ಒಂದು ಖುಷಿ.

ಎಲ್ಲರಿಗೂ ಗಣೇಶ ಹಬ್ಬದ (Ganesha festival) ಶುಭಾಶಯ. ಎರಡನೇ ಮಗು ಆಗಿದೆ. ಲೆಕ್ಕದ ಪ್ರಕಾರ ನನಗೆ ಇದು ಮೂರನೇ ಮಗು. ರಾಯನ್ (Rayan Sarja) ನನ್ನ ಮೊದಲ ಮಗ. ಆ ಬಳಿಕ ಹೆಣ್ಣು ಮಗು ಹುಟ್ಟಿತು. ಅವಳಿಗೆ ಇನ್ನೂ ಹೆಸರು ಇಟ್ಟಿಲ್ಲ. ಈಗ ಮತ್ತೊಂದು ಮಗು ಆಗಿದೆ. ಮನೆಯಲ್ಲಿ ಈಗ ಮೂರು ಮಕ್ಕಳಿದ್ದಾರೆ. ಸದ್ಯ ಪ್ರೇರಣಾ (Prerana Dhruva Sarja), ಮಗ ಆರೋಗ್ಯವಾಗಿದ್ದಾರೆ ಎಂದಿರೋ ಧ್ರುವ, ಅಣ್ಣ ಚಿರು-ಮೇಘನಾ  (Chiranajeevi Sarja) ಮಗನನ್ನು ನನ್ನ ಮೊದಲ ಮಗು ಎಂದಿರುವುದು ಮತ್ತೊಮ್ಮೆ ಅಭಿಮಾನಿಗಳನ್ನು ಭಾವುಕರನ್ನಾಗಿಸಿದೆ.

ಮಗು ಯಾವಾಗಲಾದರೂ ಹುಟ್ಟಲಿ, ಅದು ಒಳ್ಳೆಯ ದಿನವೇ. ಅದರಲ್ಲೂ ಸೆ.18 ಲೆಜೆಂಡರಿಗಳು ಹುಟ್ಟಿದ ದಿನ ಎನ್ನುವ ಮೂಲಕ, ಉಪೇಂದ್ರ (Upendra), ವಿಷ್ಣುವರ್ಧನ್ (Vishnuvardhan) ಮತ್ತು ಶೃತಿ (Shruthi) ಅವರ ಜನ್ಮದಿನದಂದೇ ನನ್ನ ಮಗ ಹುಟ್ಟಿದ್ದಾನೆ ಅನ್ನೋದನ್ನೂ ಹೇಳಿದ್ದಾರೆ.

ಮಗು ಮನೆ ಬೆಳಗಿದ ಘಳಿಗೆಯನ್ನು ಅಭಿಮಾನಿಗಳ ಜೊತೆ ಹಂಚಿಕೊಂಡಿರುವ ಧ್ರುವ ಸರ್ಜಾ(Dhruva Sarja), ಅಭಿಮಾನಿಗಳಿಗೆ ಸಿಹಿ ತಿನ್ನಿಸಿ ಖುಷಿ ಪಟ್ಟಿದ್ದಾರೆ. ವಿಶೇಷವೆಂದರೆ 2019ರಲ್ಲಿ ಧ್ರುವ-ಪ್ರೇರಣಾ ಮದುವೆಯಾಗಿತ್ತು. 2022ರ ಅಕ್ಟೋಬರ್ 2ರಂದು ಗಾಂಧಿ ಜಯಂತಿ ದಿನ ಮಗಳು ಹುಟ್ಟಿದ್ದಳು. ಇದೀಗ ಗೌರಿ-ಗಣೇಶ ಹಬ್ಬದ ದಿನ ಮಗ ಹುಟ್ಟಿದ್ದಾನೆ. ಜೊತೆಗೆ ಸೆ.18, ಕನ್ನಡ ಚಿತ್ರರಂಗದ ದಿಗ್ಗಜರು ಜನಿಸಿದ ದಿನವೂ ಬೇರೆ. ಹೀಗಾಗಿಯೇ ಅಜ್ಜ ಸುಂದರ್ ರಾಜ್ ಮೊಮ್ಮಗ ಗಜಕೇಸರಿ (Gajakesari) ಯೋಗದಲ್ಲಿ ಹುಟ್ಟಿದ್ದಾನೆ ಅಂದ್ರೆ, ದೊಡ್ಡಮ್ಮ ಮೇಘನಾ ರಾಜ್ (Meghana raj) ದೊಡ್ಡವಳನ್ನು ಕಣ್ಮಣಿ ಅಂತೀನಿ. ಇವನಿಗೆ ಏನ್ ಹೆಸರು ಹೊಳೆಯುತ್ತೋ.. ಅದನ್ನೇ ಇಡ್ತೀನಿ ಅಂತಿದ್ದಾರೆ.