ಭಾರತದ ಟೆಲಿಕಾಂ ಕಂಪನಿಗಳ ನಡುವೆ ಭಾರಿ ಪೈಪೋಟಿ ನಡೆಯುತ್ತಿದೆ. ಹೊಸ ಹೊಸ ಸ್ಕೀಂ, ಪ್ಲಾನ್ʻಗಳನ್ನು ಪರಿಚಯಿಸುವ ಕೆಲಸ ಮಾಡುತ್ತಿವೆ. ಜುಲೈ ಆರಂಭದಿಂದಲೇ ಜಿಯೋ ಮತ್ತು ಏರ್ʻಟೆಲ್ ತಮ್ಮ ರೀಚಾರ್ಜ್ ಪ್ಲಾನ್ಗಳ ಬೆಲೆಯನ್ನು ಹೆಚ್ಚಿಸಿಕೊಂಡಿವೆ. ಜಿಯೋ ಬೆನ್ನಲ್ಲೇ ಇತರೆ ಟೆಲಿಕಾಂ ಕಂಪನಿಗಳು ತಮ್ಮ ಟ್ಯಾರಿಫ್ ಪ್ಲಾನ್ನಲ್ಲಿ ಬದಲಾವಣೆಯನ್ನು ತಂದಿವೆ. ಆದರೆ ಇಲ್ಲಿಯೇ ಅಂಬಾನಿಯವರ ಗೇಮ್ ಜೋರಾಗಿದ್ದು.
ಮೊದಲು ಬೆಲೆ ಏರಿಸಿದ ಜಿಯೋ, ಇತರೆ ಕಂಪನಿಗಳು ಬೆಲೆ ಏರಿಕೆ ಮಾಡಿದ ಬೆನ್ನಲ್ಲೇ ತನ್ನ ಬಳಕೆದಾರರಿಗೆ ರಿಯಾಯ್ತಿ ಘೋಷಣೆ ಮಾಡ್ತು. ರಿಯಾಯಿತಿ ದರದಲ್ಲಿ ಹೊಸ ರೀಚಾರ್ಜ್ ಪ್ಲಾನ್ ಪರಿಚಯಿಸುತ್ತಿದೆ. ಈ ಮೂಲಕ ತನ್ನ ಗ್ರಾಹಕರನ್ನು ತನ್ನಲ್ಲಿಯೇ ಉಳಿಸಿಕೊಳ್ಳುವುದರ ಜೊತೆಯಲ್ಲಿ ಹೊಸ ಬಳಕೆದಾರರನ್ನು ಸೆಳೆಯುತ್ತಿದೆ.
25 ದಿನದ ಪ್ಲಾನ್ ಮತ್ತು 24 ದಿನದ ಪ್ಲಾನ್ : ಜಿಯೋ ಸಿಮ್ ಬಳಕೆದಾರರು 249 ರೂಪಾಯಿ ರೀಚಾರ್ಜ್ ಮಾಡಿಕೊಂಡರೆ, ಅದರ ವ್ಯಾಲಿಡಿಟಿ 28 ದಿನ. ಆದರೆ ಏರ್ಟೆಲ್ 249 ರೂಪಾಯಿ ರೀಚಾರ್ಜ್ ವ್ಯಾಲಿಡಿಟಿ 24 ದಿನಗಳಾಗಿದೆ. ಅಂದ್ರೆ ಜಿಯೋ ಬಳಕೆದಾರರಿಗೆ ಹೆಚ್ಚುವರಿಯಾಗಿ ನಾಲ್ಕು ದಿನ ಸರ್ವಿಸ್ ಸಿಗುತ್ತದೆ. ಅದರ ಜೊತೆಯಲ್ಲಿ 400 ಎಸ್ಎಂಎಸ್, 4 ಜಿಬಿ ಡೇಟಾ ಸಿಗುತ್ತದೆ. ಹಾಗಾಗಿ ಜಿಯೋ ಉತ್ತಮ ಎಂದು ಬಳಕೆದಾರರು ಭಾವಿಸಬಹುದು. ವ್ಯತ್ಯಾಸ ಚಿಕ್ಕದಾದರೂ ಇದರ ಪರಿಣಾಮ ದೊಡ್ಡಮಟ್ಟದಲ್ಲಿ ಆಗುತ್ತೆ ಎಂದು ಮಾರುಕಟ್ಟೆ ತಜ್ಞರು ವಿಶ್ಲೇಷಣೆ ಮಾಡುತ್ತಾರೆ.
ಜಿಯೋ ಬೆಲೆ ಏರಿಕೆ ಬೆನ್ನಲ್ಲೇ ಮಧ್ಯಮ ವರ್ಗ ಸ್ನೇಹಿ ಪ್ಲಾನ್ಗಳನ್ನು ಘೋಷಣೆ ಮಾಡುತ್ತಿದೆ. ಇತ್ತ ತನ್ನ ಎಲ್ಲಾ ಪ್ಲಾನ್ಗಳನ್ನು ಬದಲಾವಣೆ ಮಾಡಿಕೊಂಡಿರುವ ಏರ್ಟೆಲ್ ಗೆ ದೊಡ್ಡ ಹೊಡೆತ ಬೀಳುವ ಸಾಧ್ಯತೆಗಳಿವೆ ಎಂದು ಅಂದಾಜಿಸಲಾಗುತ್ತಿದೆ. ಮುಕೇಶ್ ಅಂಬಾನಿ ರಚಿಸಿದ ರಣವ್ಯೂಹದಲ್ಲಿ ಏರ್ಟೆಲ್ ಸಿಲುಕಿದೆಯಾ ಎಂಬ ಚರ್ಚೆಗಳು ಮಾರುಕಟ್ಟೆಯಲ್ಲಿ ಆರಂಭಗೊಂಡಿವೆ. ದೀರ್ಘಕಾಲದ ಅಂದ್ರೆ ಹೆಚ್ಚು ವ್ಯಾಲಿಡಿಟಿ ಇರೋ ಪ್ಲಾನ್ಗಳನ್ನು ಮಧ್ಯಮ ವರ್ಗದ ಜನರು ಆಯ್ಕೆ ಮಾಡಿಕೊಳ್ಳುತ್ತಾರೆ. ಹಾಗಾಗಿಯೇ ಸ್ಪರ್ಧಿ ಏರ್ಟೆಲ್ ಗಿಂತ ಜಿಯೋ ತನ್ನ ವ್ಯಾಲಿಡಿಟಿಯನ್ನು ಹೆಚ್ಚಳ ಮಾಡಿಕೊಂಡಿದೆ ಎನ್ನಲಾಗಿದೆ.
ರಿಲಯನ್ಸ್ ಜಿಯೋ ಪ್ಲಾನ್ :
ರಿಲಯನ್ಸ್ ಜಿಯೋ ನೀಡಿರುವ 249 ರೂಪಾಯಿಯ ರೀಚಾರ್ಜ್ ಪ್ಲಾನ್ 28 ದಿನದ ವ್ಯಾಲಿಡಿಟಿಯನ್ನು ಹೊಂದಿದೆ. ಈ ಪ್ಲಾನ್ನಲ್ಲಿ ಅನ್ಲಿಮಿಟೆಡ್ ಕಾಲ್, ಪ್ರತಿದಿನ 100 ಎಸ್ಎಂಎಸ್ ಮತ್ತು 1 ಜಿಬಿ ಡೇಟಾ ಸಿಗುತ್ತದ. ಆ ದಿನದ ಡೇಟಾ ಕೊನೆಯಾಗುತ್ತಿದ್ದಂತೆ ಇಂಟರ್ನೆಟ್ ಸ್ಪೀಡ್ 64Kbps ಆಗುತ್ತದೆ. ಜಿಯೋ ಟಿವಿಯಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ನೋಡಬಹುದಾಗಿದೆ.
ಏರ್ ಟೆಲ್ ಪ್ಲಾನ್ :
ಏರ್ ಟೆಲ್ ಪ್ಲಾನ್ ಕೂಡಾ 249 ರೂಗಳೇ. 249 ರೂಪಾಯಿಯ ಏರ್ಟೈಲ್ ರೀಚಾರ್ಜ್ ಪ್ಲಾನ್ 24 ದಿನಗಳ ವ್ಯಾಲಿಡಿಟಿ ಹೊಂದಿದೆ. ಪ್ರತಿದಿನ 1 ಜಿಬಿ ಡೇಟಾ ಸಿಗಲಿದ್ದು, ಒಟ್ಟು 24 ಜಿಬಿ ಡೇಟಾ ಲಭ್ಯವಾಗುತ್ತದೆ. ಇದರೊಂದಿಗೆ Wynk Musicನ ಫ್ರೀ ಸಬ್ಸ್ಕ್ರಿಪ್ಷನ್ ಗ್ರಾಹಕರಿಗೆ ಸಿಗುತ್ತದೆ. ಆದರೆ ಜಿಯೋ ಟಿವಿಯಲ್ಲಿ ಸಿಗುವ ವಿವಿಧ ಶೋಗಳು ನೋಡುವುದಕ್ಕೆ ಸಿಗುವುದಿಲ್ಲ.
ಜಿಯೋ ಮತ್ತು ಏರ್ಟೆಲ್ ಎರಡೂ ದೇಶದ ಪ್ರಸಿದ್ಧ ಟೆಲಿಕಾಂ ಕಂಪನಿಗಳು. ಎರಡೂ ಕಂಪನಿಗಳು 249 ರೂ. ಪ್ಲಾನ್ ಪರಿಚಯಿಸಿವೆ. ಬೆಲೆ ಒಂದೇ ಆಗಿದ್ದರೂ ರೀಚಾರ್ಜ್ ಪ್ಲಾನ್ ಲಾಭಗಳು ಭಿನ್ನವಾಗಿವೆ. ಜಿಯೋ ಬಳಕೆದಾರರ ಸಂಖ್ಯೆ 48 ಕೋಟಿಯಾಗಿದ್ರೆ, ಏರ್ಟೆಲ್ 38 ಕೋಟಿ ಬಳಕೆದಾರರನ್ನು ಹೊಂದಿದೆ.
