ಪುರುಷರು ಹೀಗಿದ್ದರೆ ಹೆಂಗಸರಿಗೆ ಸಖತ್ ಇಷ್ಟವಾಗ್ತಾರೆ..!

ನಾನು ಈಗ ಪ್ರೀತಿಯಲ್ಲಿ ಬೀಳಬೇಕು
ನನಗು ಒಬ್ಬ ಗೆಳೆಯ ಬೇಕು
ಎಂದು ಹುಡುಗಿ ಹಾಡುತ್ತಿದ್ದಾಳೆ. ಅವಳಿಗೊಬ್ಬ ಪ್ರಿಯತಮ ಬೇಕಾಗಿದೆ. ಮೊದಲೇ ಮೀನಿನ ಹೆಜ್ಜೆ ಹಾಗೂ ಹೆಣ್ಣಿನ ಮನಸ್ಸೂ ಎರಡೂ ಒಂದೇ. ಅರ್ಥ ಮಾಡಿಕೊಳ್ಳೋಕೆ ಆಗಲ್ಲ ಅಂತಾರೆ. ನಿನ್ ಗಂಡ ಹೇಗಿರಬೇಕು ಎಂದು ಯಾರನ್ನ ಕೇಳಿದ್ರೂ ಶ್ರೀರಾಮಚಂದ್ರ ಆಗಿರಬೇಕು ಅಂತಾರೆ. ಆದರೆ ಆ ಹೆಣ್ಣು ಏನನ್ನು ಯೋಚಿಸ್ತಾಳೆ, ಯಾವುದನ್ನು ಇಷ್ಟಪಡ್ತಾಳೆ ಎಂದು ಹುಡುಗರಿಗೆ ಗೊತ್ತೇ ಆಗಲ್ಲ. ಹೀಗಾಗಿಯೇ ಕೆಲ ಹುಡುಗರು, ವರ್ಷಾನುಗಟ್ಲೆ ಸರ್ಕಸ್ ಮಾಡಿದ್ರೂ ಪ್ರಯೋಜನವಾಗಲ್ಲ. ಅದನ್ನೆಲ್ಲ ಪಕ್ಕಕ್ಕಿಟ್ಟು ಹುಡುಗಿಯರಿಗೆ ಎಂತಹ ಹುಡುಗ ಇಷ್ಟ ಅನ್ನೋದನ್ನ ತಿಳ್ಕೊಂಡ್ರೆ ಒಳ್ಳೇದಲ್ವಾ?
ಇದ್ದ್ದಲ್ಲಿ ಇದ್ದಹಾಗೆ ಸದ್ದನ್ನೇ ಆಗದಂತೆ ಹೃದಯ ಕದ್ದು ಹೋಗಬೇಕು ….
ನಾನು ಈಗ ಪ್ರೀತಿಯಲ್ಲಿ ಬೀಳಬೇಕು
ಅನ್ನೋ ಹುಡುಗಿಯರು ಕನಸಿನಲ್ಲೂ ನೋಡೋದು ರಾಜಕುಮಾರನಂತಹವರನ್ನೇ….
ನೆನೆದಾಗೆಲ್ಲ ಹಾಗೇನೆ ಓಡಿ ಬರಬೇಕು
ಕಾದಾಗೆಲ್ಲ ಮುತ್ತಿನ ಗಂಧ ತರಬೇಕು
ಮತ್ತೆ ಮತ್ತೆ ಬರಬೇಕು ಹುಚ್ಚು ಸಂದೇಶ
ಕದ್ದು ಮುಚ್ಚಿ ಓದೋಕೆ ಹೆಚ್ಚಿ ಸಂತೋಷ
ಮುನಿಸು ಬಂದಾಗೆಲ್ಲ ಅವನೆ ಕ್ಷಮಿಸು ಅನಬೇಕು
ಚಂದಿರನ ತಟ್ಟೆಯಲ್ಲಿ ಸೇರಿ ತಿನಬೇಕು
ಎಲ್ಲರೂ ಜಾತ್ರೆಯಲ್ಲಿ ತೇರನ್ನೇ ನೋಡುವಾಗ.. ಅವನು ನನ್ನೇ ನೋಡಬೇಕು
ಕಾಡುವಂಥ ಗೆಳೆಯ ಬೇಕು..
ಮೊದಲು ಡ್ರೆಸ್ ಸೆನ್ಸ್ ಸರಿಯಾಗಿರಲಿ. ನಮ್ಮ ಹೈಟ್ ಮತ್ತು ವೈಟ್ಗೆ ತಕ್ಕಂತೆ ಡ್ರೆಸ್ ಕೋಡ್ ಇರಲಿ. ಐರನ್ ಮಾಡಿದ ಪ್ಯಾಂಟು ಷರಟು ಇದ್ದರೆ ಒಂದು ವ್ಯಕ್ತಿತ್ವದ ಹುಡುಗಿಯರಿಗೆ ಇಷ್ಟವಾದರೆ, ಇನ್ನೂ ಕೆಲವಿಗೆ ಟಾಪ್ ಲೆಸ್ ಅಂದ್ರೆ ಮೇಲಿನ ಎರಡು ಬಟನ್ ಓಪನ್ ಮಾಡಿಕೊಂಡು ರವಿಚಂದ್ರನ್ನಂತೆ ಇರೋ ಹುಡುಗರು ಇಷ್ಟವಾಗ್ತಾರೆ. ಷರಟಿನ ಸ್ಲೀವ್ಸ್ ಮೊಣಕೈವರೆಗೂ ಮಡಚಿ.
ಲುಕ್ಕಿನಲ್ಲಿ ಕಿಕ್ಕಿರಲಿ. ಹುಡುಗರ ಓರೆನೋಟ ಇಷ್ಟಪಡದ ಹುಡುಗಿಯರೇ ಇಲ್ಲ. ಕಣ್ಣು ಆಕರ್ಷಕವಾಗಿರಬೇಕು. ಕಣ್ಣು ಚೆನ್ನಾಗಿರಬೇಕೆಂದರೆ ನಗು ನಗುತ್ತಿರಬೇಕು. ಮುಗುಳುನಗೆ ಗಣೇಶ್ ಅವರಷ್ಟಲ್ಲದೇ ಹೋದರೂ ನಗು ಚೆನ್ನಾಗಿರಬೇಕು. ಗುಳಿಕೆನ್ನೆ ಹುಡುಗರಂದ್ರೆ ಹುಡುಗೀರಿಗೆ ತುಂಬಾ ಇಷ್ಟವಂತೆ. ಹೀಗಾಗಿ ಹುಡುಗರ ನಗು ಹುಡುಗಿಯರಿಗೆ ಸೆಕ್ಸಿ ಎನಿಸುತ್ತದೆ.
ದೇಹ ಸುಮಧುರವಾಗಿಲಿ. ಅವನು ಸಖತ್ತಾಗಿದ್ದಾನೆ. ಹ್ಯಾಂಡ್ಸಮ್ ಆಗಿದ್ದಾನೆ ಎನ್ನುವಾಗ ಜೊತೆಯಲ್ಲಿರುವ ಇನ್ನೊಂದು ಹುಡುಗಿ ಅವನು ಪರ್ಫ್ಯೂಮ್ ಹಾಕಲ್ಲ ಎನ್ನುವ ಜಾಹೀರಾತು ನೋಡಿದ್ದೀರಲ್ಲ. ನಿಜ.ಹುಡುಗಿಯರು ಕೆಟ್ಟ ವಾಸನೆ ಹೊರಸೂಸುವ ದೇಹವಿರೋ ಹುಡುಗರಿಂದ ದೂರ ದೂರ.
ವಾಯ್ಸ್ ಗಡುಸಾಗಿರಲಿ. ಗಡುಸು ಧ್ವನಿಯಿದ್ದರೆ ವ್ಯಕ್ತಿತ್ವಕ್ಕೊಂದು ತೂಕ ಘನತೆ ಇರುತ್ತದೆ. ಹುಡುಗರ ಗಡಸುದನಿ ಹುಡುಗಿಯ ಪ್ರಕಾರ ಸೆಕ್ಸಿಯಂತೆ. ಕಾನ್ಫಿಡೆನ್ಸ್ ತುಂಬಿ ತುಳುಕುತ್ತಿರಲಿ. ನಿಮ್ಮ ನೋಟ, ನಡಿಗೆ, ಮಾತು, ಡ್ರೆಸ್, ಭಾಷೆ ಎಲ್ಲದರಲ್ಲೂ ಒಂದು ಕಾನ್ಫಿಡೆನ್ಸ್ ಇರಬೇಕು. ಎಲ್ಲದಕ್ಕಿಂತ ಈ ಗುಣವೇ ಅತಿ ಹೆಚ್ಚು ಮುಖ್ಯ. ಹುಡುಗಿಯರು ಲುಕ್ಕಿಗಿಂತ ಹೆಚ್ಚಾಗಿ ಫಿದಾ ಆಗುವುದು ಹುಡುಗರಲ್ಲಿ ಕಾಣುವ ಆತ್ಮವಿಶ್ವಾಸಕ್ಕೆ.