ನಾಟು ನಾಟು.. ಹಾಡಿಗೆ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ ಭಾರತೀಯ ಚಿತ್ರರಂಗದಲ್ಲಿ ಹೊಸ ಸಂಚಲನ ಮೂಡಿಸಿದೆ. ಆಸ್ಕರ್ ಪ್ರಶಸ್ತಿ ಯೂರೋಪಿಯನ್ ದೇಶಗಳು ಸಿನಿಮಾಗಳಿಗೆ ನೀಡುವ ಅವಾರ್ಡ್. ಪ್ರಶಸ್ತಿ ಕೊಡುವುದರ ಹಿಂದೆ ಅಂತಾರಾಷ್ಟ್ರೀಯ ಮಟ್ಟದ ಲಾಬಿಯೂ ಇರುತ್ತದೆ ಎನ್ನುವುದು ಸುಳ್ಳಲ್ಲ. ಆದರೆ ಚಿತ್ರರಂಗದವರು ಆಸ್ಕರ್ ಪ್ರಶಸ್ತಿಯನ್ನು ಅತೀ ದೊಡ್ಡ ಪ್ರಶಸ್ತಿ, ಕಿರೀಟ ಎಂದು ಗೌರವಿಸುತ್ತಾರೆ. ನಿಮಗೆ ಗೊತ್ತಿರಲಿ, ಆಸ್ಕರ್ ಪ್ರಶಸ್ತಿಗೆ ಹಣದ ಬಹುಮಾನ ಇರಲ್ಲ. ಕೇವಲ ಒಂದು ಟ್ರೋಫಿ. ತಾಮ್ರದ ಪ್ರತಿಮೆ/ಪುತ್ಥಳಿ ಚಿನ್ನದ ಕವರಿಂಗ್ ಇರುತ್ತದೆ, ಅಷ್ಟೆ, ಕೇವಲ ದುಡ್ಡಿನ ಲೆಕ್ಕದಲ್ಲಿ ನೋಡೋದಾದರೆ ಅದರ ಮೌಲ್ಯ ಕೇವಲ 1 ಡಾಲರ್. ಅಭಿಮಾನದ ಲೆಕ್ಕದಲ್ಲಿ ಅದಕ್ಕೆ ಕೋಟಿ ಕೋಟಿಗಳ ಬೆಲೆಯಿಂದೆ. ಆ ಮಾತು ಬೇರೆ.
ಈಗ ನಾಟು ನಾಟುಗೆ ಕುಣಿದು ರಂಗೇರಿಸಿದ್ದ ಎನ್.ಟಿ.ಆರ್ ಮತ್ತು ರಾಮ್ ಚರಣ್ ತೇಜ, ಡೈರೆಕ್ಟರ್ ರಾಜಮೌಳಿ ಚಿಗುರಿಸಿರುವ ಆಸೆಯೇ ಬೇರೆ. ಚಿತ್ರದಲ್ಲಿನ ಹಾಡಿನಲ್ಲಿ ಈ ಹಾಡು ಮತ್ತು ನೃತ್ಯಕ್ಕೆ ಬ್ರಿಟಿಷರು ಸೋತು ಸುಸ್ತಾಗುತ್ತಾರೆ. ಹಾಡಿನಂತೆಯೇ ವಾಸ್ತವದಲ್ಲೂ ಆಗಿದೆ. ನಾಟ್ಟು ನಾಟ್ಟು ಹಾಡಿಗೆ ಗೋಲ್ಡನ್ ಗ್ಲೋಬ್ ಅವಾರ್ಡ್ ಸಿಕ್ಕಿದೆ. ಎಂ.ಎಂ.ಕೀರವಾಣಿ ಅವರಿಗೆ ಹಾಡಿನ ಈ ಸಂಗೀತಕ್ಕಾಗಿ ಗೋಲ್ಡನ್ ಗ್ಲೋಬ್ ಅವಾರ್ಡ್ ಪ್ರಶಸ್ತಿ ಸಿಕ್ಕಿದೆ. ಪ್ರಧಾನಿ ನರೇಂದ್ರ ಮೋದಿ, ಆಂಧ್ರಪ್ರದೇಶ ಸಿಎಂ ಜಗನ್ ಮೋಹನ್ ರೆಡ್ಡಿ, ಚಂದ್ರಬಾಬು ನಾಯ್ಡು ಸೇರಿದಂತೆ ತೆಲುಗು ನಾಡಿನವರು ಹೆಮ್ಮೆಯಿಂದ ಕುಣಿದಾಡುತ್ತಿದ್ದಾರೆ. ತೆಲುಗು ಚಿತ್ರರಂಗದವರಂತೂ ಇದು ನಮ್ಮ ಹೆಮ್ಮೆ ಎಂದು ಎದೆಯುಬ್ಬಿಸುವಂತೆ ಮಾಡಿದ್ದಾರೆ ರಾಜಮೌಳಿ. ಇದು ಭಾರತೀಯ ಚಿತ್ರರಂಗದ ಹೆಮ್ಮೆಯೂ ಹೌದು. ಯಶ್, ಹೊಂಬಾಳೆ ಸೇರಿದಂತೆ ಇಡೀ ಇಂಡಿಯನ್ ಫಿಲ್ಮ್ ಇಂಡಸ್ಟ್ರಿ ನಾಟ್ಟು ನಾಟ್ಟು ಸಾಧನೆಯನ್ನು ಸಂಭ್ರಮಿಸಿದೆ. ಗೋಲ್ಡನ್ ಗ್ಲೋಬ್ ಪ್ರಶಸ್ತಿಗಳ ಇತಿಹಾಸದಲ್ಲೇ ಮೊಟ್ಟ ಮೊದಲ ಬಾರಿಗೆ ಪ್ರಶಸ್ತಿ ಗೆದ್ದ ಭಾರತೀಯ ಚಿತ್ರ ಆರ್.ಆರ್.ಆರ್.
ಈ ಹಾಡಿಗೆ ಸಂಗೀತ ಸಂಯೋಜಿಸಿದ್ದು ಕೀರವಾಣಿ. ಸಾಹಿತ್ಯ ಬರೆದಿದ್ದು ಚಂದ್ರಬೋಸ್. ಹಾಡನ್ನು ಹಾಡಿದ್ದು ಕಾಲಭೈರವ ಮತ್ತು ರಾಹುಲ್ ಸಿಪ್ಲಿಗಂಜ್. ಕಾಲಭೈವರ ಕೀರವಾಣಿಯವರ ಮಗ. ನಿರ್ದೇಶಕ ರಾಜಮೌಳಿ ಪರಸ್ಪರ ಸಹೋದರರಾಗಬೇಕು. ಹಾಡಿಗೆ ಸಂಗೀತ ಸಂಯೋಜನೆ ಮಾಡಿದ್ದವರ ಹೆಸರು ಪ್ರೇಮ್ ರಕ್ಷಿತ್.
ಗೋಲ್ಡನ್ ಗ್ಲೋಬ್ ಪ್ರಶಸ್ತಿ ಅಂತಾರಾಷ್ಟ್ರೀಯ ಮಟ್ಟದ ಶ್ರೇಷ್ಟ ಪ್ರಶಸ್ತಿಗಳಲ್ಲೊಂದು. ಪ್ರತೀ ವರ್ಷ ಆಸ್ಕರ್ ಘೋಷಣೆಗೆ ಮುನ್ನ ಗೋಲ್ಡನ್ ಗ್ಲೋಬ್ ಘೋಷಣೆಯಾಗುತ್ತದೆ. ಗೋಲ್ಡನ್ ಗ್ಲೋಬ್ ಪ್ರಶಸ್ತಿ ಗೆದ್ದ ಚಿತ್ರಗಳ ಬಗ್ಗೆ ಆಸ್ಕರ್ ಜ್ಯೂರಿಗಳಲ್ಲಿ ವಿಶೇಷ ಪ್ರೀತಿಯೂ ಇರುತ್ತದೆ. ಇದನ್ನು ಆಸ್ಕರ್ ನಂತರದ ಪ್ರತಿಷ್ಠಿತ ಪ್ರಶಸ್ತಿ ಎಂದೇ ಗುರುತಿಸುತ್ತದೆ ವಿಶ್ವ ಚಿತ್ರರಂಗ. ಭಾರತೀಯ ಸಾಹಿತ್ಯ ಲೋಕದಲ್ಲಿ ಜ್ಞಾನಪೀಠ ಹಾಗೂ ಸರಸ್ವತಿ ಸಮ್ಮಾನ್ ಪ್ರಶಸ್ತಿಗಳು ಹೇಗೆ ಮಾನ್ಯತೆ ಪಡೆದಿವೆಯೋ, ಹಾಗೆಯೇ ವಿಶ್ವ ಚಿತ್ರರಂಗದಲ್ಲಿ ಆಸ್ಕರ್ ಮತ್ತು ಗೋಲ್ಡನ್ ಗ್ಲೋಬ್ ಪ್ರಶಸ್ತಿಗೆ ಮನ್ನಣೆಯಿದೆ.
ಭರವಸೆ ಹುಟ್ಟಿಸಿರುವುದೇ ಇದು. ಗೋಲ್ಡನ್ ಗ್ಲೋಬ್ ಪ್ರಶಸ್ತಿ ಪಡೆದ ಚಿತ್ರಗಳಿಗೆ ಆಸ್ಕರ್ ಲಿಸ್ಟಿನಲ್ಲಿಯೂ ಸ್ಥಾನ ಸಿಗುತ್ತದೆ. ಅದು ಒಂದು ರೀತಿ ಸಂಪ್ರದಾಯದಂತೆಯೇ ನಡೆದುಕೊಂಡು ಬಂದಿದೆ. ಈ ಬಾರಿಯೂ ಅದು ಸಾಧ್ಯವಾದರೆ ಆರ್.ಆರ್.ಆರ್. ಚಿತ್ರದ ಹಾಡೂ ಸೇರಿದಂತೆ ಹಲವು ವಿಭಾಗಗಳಲ್ಲಿ ಆರ್.ಆರ್.ಆರ್. ಗೆಲ್ಲಬಹುದು. ಅಫ್ಕೋರ್ಸ್ ಆರ್.ಆರ್.ಆರ್. ಚಿತ್ರದ ಈ ಸಾಧನೆ ಲಿಸ್ಟಿನಲ್ಲಿ ಸೇರಿರುವ ಇತರೆ ಭಾರತೀಯ ಚಿತ್ರಗಳಾದ ನಮ್ಮ ಕನ್ನಡದ ಕಾಂತಾರ, ವಿಕ್ರಾಂತ್ ರೋಣ, ಕಾಶ್ಮೀರ್ ಫೈಲ್ಸ್ ಸೇರಿದಂತೆ ಹಲವು ಭಾರತೀಯ ಚಿತ್ರಗಳಿಗೆ ಕನಸು ಚಿಗುರುವಂತೆ ಮಾಡಿದೆ.
