ಬಾಲಿವುಡ್ ಸೋಲಿನ ಎಫೆಕ್ಟ್ : PVRಗೆ 71 ಕೋಟಿ ಲಾಸ್

ದಕ್ಷಿಣದಲ್ಲಿ ಸಿನಿಮಾಗಳು ವೀಕ್ ಆಗಿಲ್ಲ. ಒಂದರ ಹಿಂದೊಂದು ಬ್ಲಾಕ್ ಬಸ್ಟರ್ ಸಿನಿಮಾ. ಜೇಮ್ಸ್, ಕೆಜಿಎಫ್ ಚಾಪ್ಟರ್ 2. ಚಾರ್ಲಿ 777, ವಿಕ್ರಾಂತ್ ರೋಣ ಹಾಗೂ ಕಾಂತಾರ ಚಿತ್ರಗಳು ಕನ್ನಡದಲ್ಲಿ ದಾಖಲೆ ಬರೆದಿವೆ. ಕೆಜಿಎಫ್ ಇಂಡಿಯನ್ ಸಿನಿಮಾ ಹಿಸ್ಟರಿಯಲ್ಲೇ ಇತಿಹಾಸ ಸೃಷ್ಟಿಸಿದೆ. ಉಳಿದ ಚಿತ್ರಗಳು 100 ಕೋಟಿ ಗಡಿ ದಾಟಿವೆ. ತೆಲುಗಿನಲ್ಲಿ ಆರ್.ಆರ್.ಆರ್. ದಾಖಲೆ ಬರೆದಿದೆ. ತಮಿಳಿನಲ್ಲಿ ವಿಕ್ರಂ, ಪೊನ್ನಿಯನ್ ಸೆಲ್ವನ್ ಹೊಸ ದಾಖಲೆ ಸೃಷ್ಟಿಸಿವೆ. ಆದರೆ ಪಿವಿಆರ್ ಸಿನಿಮಾಸ್ ಮಾತ್ರ ಸೆಪ್ಟೆಂಬರ್ ತ್ರೈಮಾಸಿಕ ವರ್ಷದಲ್ಲಿ ಲಾಸ್ ತೋರಿಸಿದೆ. ಈ ತ್ರೈಮಾಸಿಕ ವರ್ಷದಲ್ಲೇ 49 ಕೋಟಿ ಲಾಸ್ ಆಗಿದ್ದು ಇದಕ್ಕೆ ಬಾಲಿವುಡ್ ಚಿತ್ರಗಳ ನೀರಸ ಪ್ರದರ್ಶನವೇ ಕಾರಣ ಅನ್ನೋದು ಬ್ಲೂಂಬರ್ಗ್ ಲೆಕ್ಕಾಚಾರ.
ಬಾಲಿವುಡ್ನಲ್ಲಿ ಈ ಮಧ್ಯೆ ಸ್ವಲ್ಪ ದೊಡ್ಡ ಮಟ್ಟದ ಪ್ರದರ್ಶನ ಕಂಡ ಚಿತ್ರಗಳೆಂದರೆ ಬೂಲ್ ಬುಲಯ್ಯಾ 2 ಹಾಗೂ ಡಾ.ಸ್ಟ್ರೇಂಜ್ ಮಾತ್ರ. ಉಳಿದಂತೆ ಅಮೀರ್ ಖಾನ್ರ ಲಾಲ್ ಸಿಂಗ್ ಚಡ್ಡಾ, ಅಕ್ಷಯ್ ಕುಮಾರ್ರ ರಕ್ಷಾ ಬಂಧನ್, ರಾಣಾಪ್ರತಾಪ್ ಸೇರಿದಂತೆ ದೊಡ್ಡ ದೊಡ್ಡ ಚಿತ್ರಗಳು ಮಕಾಡೆ ಮಲಗಿವೆ. ಇದರ ಎಫೆಕ್ಟ್ ಆಗಿರುವುದು ಪಿವಿಆರ್ ಸಿನಿಮಾಸ್ ಲಾಭದ ಮೇಲೆ. ಒಟ್ಟಾರೆ 71 ಕೋಟಿ ನಷ್ಟ ತೋರಿಸುತ್ತಿದೆ ಪಿವಿಆರ್.
ಬಾಲಿವುಡ್ ಚಿತ್ರಗಳನ್ನೆ ಹೆಚ್ಚು ಪ್ರದರ್ಶನ ಮಾಡುವುದು ಹಾಗೂ ದುಬಾರಿ ದರ ಇದಕ್ಕೆ ಕಾರಣ ಎನ್ನುವುದು ಮೊದಲ ಉತ್ತರ. ಏಕೆಂದರೆ ಉತ್ತರ ಭಾರತಕ್ಕೆ ಹೋಲಿಸಿದರೆ ದಕ್ಷಿಣದಲ್ಲಿ ಪಿವಿಆರ್ ಸಂಖ್ಯೆ ಕಡಿಮೆ. ಆ ಕಡಿಮೆಯಿರುವ ಸಂಖ್ಯೆಗಳಲ್ಲೂ ಹೆಚ್ಚು ಶೋಗಳನ್ನು ಹಿಂದಿ ಚಿತ್ರಗಳಿಗೆ ನೀಡುತ್ತಿರುವುದು ಕಾರಣ. ಅದಕ್ಕೆ ತಕ್ಕಂತೆ ತೆಲುಗು, ತಮಿಳು ಹಾಗೂ ಕನ್ನಡ ಚಿತ್ರಗಳ ಆರ್ಭಟದಲ್ಲಿ ಪಿವಿಆರ್ ನಷ್ಟದ ಹಿಂದೆ ಹೋಗುತ್ತಿದೆ. ಅದಕ್ಕೆ ತಕ್ಕಂತೆ ಬಾಲಿವುಡ್ ನೀರಸ ಪ್ರದರ್ಶನವೂ ಇದಕ್ಕೆ ಕಾರಣ ಎನ್ನಲಾಗಿದೆ.