ರಶ್ಮಿಕಾ-ವಿಜಯ್ ದೇವರಕೊಂಡ ಡೇಟಿಂಗ್ : ರಶ್ಮಿಕಾ ಹೇಳಿದ್ದು

ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಮಧ್ಯೆ ಎದ್ದಷ್ಟು ಗಾಸಿಪ್ಪುಗಳು, ಸ್ಟೋರಿಗಳು ಇತ್ತೀಚಿನ ವರ್ಷಗಳಲ್ಲಿ ಬೇರಾವ ಸ್ಟಾರ್ ನಟ-ನಟಿಯ ಮಧ್ಯೆಯೂ ಬಂದಿರಲಿಲ್ಲ ಎನ್ನುವುದು ಸತ್ಯ. ಇಬ್ಬರೂ ಬೋಲ್ಡ್ & ಬ್ಯೂಟಿಫುಲ್. ಜೊತೆಗೆ ರಶ್ಮಿಕಾ ನಟಿಸಿರುವ ಕಿಸ್ಸಿಂಗ್ ಸೀನ್‍ಗಳೆಲ್ಲ ವಿಜಯ್ ದೇವರಕೊಂಡ ಚಿತ್ರದಲ್ಲಿ ಮಾತ್ರವೇ. ಗೀತಗೋವಿಂದಂ, ಡಿಯರ್ ಕಾಮ್ರೇಡ್ ಚಿತ್ರಗಳಲ್ಲಿ ಮಾತ್ರ ಕಿಸ್ಸಿಂಗ್ ಸೀನ್ ಮಾಡಿದ್ದಾರೆ. ಜೊತೆಗೆ ಆಗಾಗ್ಗೆ ಹೊರಗೆ ಜೊತೆ ಜೊತೆಯಾಗಿ ಬಿಂದಾಸ್ ಆಗಿ ಸುತ್ತಾಡಿದ್ದಾರೆ. ಇಷ್ಟಿದ್ದ ಮೇಲೆ ಸಿನಿಮಾ ಮಂದಿಗೇನು ಬೇಕು.. ಆದರೆ ರಶ್ಮಿಕಾ ಮಂದಣ್ಣ ಈ ಬಗ್ಗೆ ಇದೇ ಮೊದಲ ಬಾರಿಗೆ ಗೊಂದಲಕ್ಕೆ ಅವಕಾಶವಿಲ್ಲದಂತೆ ಮಾತನಾಡಿದ್ದಾರೆ.
ನಾನು ಇಂಡಸ್ಟ್ರಿಗೆ ಬಂದಾಗ ನಾನು ಹೊಸಬಳಾಗಿದ್ದೆ. ವಿಜಯ್ ದೇವರಕೊಂಡ ಕೂಡಾ ಆಗಷ್ಟೇ ಮೇಲೇರುತ್ತಿದ್ದ. ಇಬ್ಬರಿಗೂ ಇಂಡಸ್ಟ್ರಿ ಹೊಸದು. ಸಹಜವಾಗಿಯೇ ಫ್ರೆಂಡ್ಸ್ ಆದೆವು. ನನಗೆ ಹೈದರಾಬಾದ್‍ನಲ್ಲಿ ಒಳ್ಳೆಯ ಫ್ರೆಂಡ್ಸ್ ಗ್ಯಾಂಗ್ ಇದೆ. ವಿಜಯ್ ಅವರಿಗೂ ಇದೆ. ಎರಡೂ ಗ್ಯಾಂಗ್‍ನವರು ಸುತ್ತಿದ್ದೇವೆ. ಪಾರ್ಟಿ ಮಾಡಿದ್ದೇವೆ. ಚಿಲ್ ಮಾಡಿದ್ದೇವೆ. ಇದನ್ನೇ ಕೆಲವರು ಡೇಟಿಂಗ್, ಲವ್ ಎಂದುಕೊಂಡರು.ಅಂತಹ ಸುದ್ದಿಗಳನ್ನೆಲ್ಲ ಕೇಳಿದಾಗ ಅಯ್ಯೋ ಬಾಬು.. ಎಂದುಕೊಳ್ಳುತ್ತಿದ್ದೆ.. ಎಂದು ಹೇಳಿದ್ದಾರೆ ರಶ್ಮಿಕಾ ಮಂದಣ್ಣ.
ನಾವಿಬ್ಬರೂ ಒಳ್ಳೆಯ ಫ್ರೆಂಡ್ಸ್. ನಾವಿಬ್ಬರೂ ಮತ್ತೆ ಒಟ್ಟಿಗೇ ಸಿನಿಮಾ ಮಾಡಬೇಕು. ಲವ್ ಸ್ಟೋರಿ ಸಿನಿಮಾನೇ ಮಾಡಬೇಕು. ನಾವಿಬ್ಬರೂ ಒಟ್ಟಿಗೇ ನಟಿಸಬೇಕು ಎಂದು ಬಯಸುವವರನ್ನು ಕಂಡಾಗ ಖುಷಿಯಾಗುತ್ತದೆ ಎನ್ನುವ ಮೂಲಕ ನಾವಿಬ್ಬರೂ ನಟರಷ್ಟೇ, ಪ್ರೇಮಿಗಳಲ್ಲ ಎಂದು ಸ್ಪಷ್ಟವಾಗಿ ಹೇಳಿದ್ದಾರೆ.
ನಿರ್ಮಾಪಕ ಕರಣ್ ಜೋಹರ್ ಕೂಡಾ ಈ ಬಗ್ಗೆ ಮಾತನಾಡಿ ನನಗೆ ಗೊತ್ತಿರೋ ಹಾಗೆ ವಿಜಯ್ ದೇವರಕೊಂಡ ಸಿಂಗಲ್. ಆತ ನಾನು ಸಿಂಗಲ್ ಅನ್ನೋದನ್ನ ಪದೇ ಪದೇ ಒತ್ತಿ ಹೇಳಬೇಕು ಎಂದಿದ್ದಾರೆ.