ಹಸ್ತದಲ್ಲಿ ಈ ರೇಖೆಗಳಿದ್ದರೆ ಧನಲಕ್ಷ್ಮಿ ನಿಮ್ಮ ಜೊತೆಯಲ್ಲಿ : ದುಡ್ಡು..ದುಡ್ಡು..ದುಡ್ಡು

ಹಸ್ತಸಾಮುದ್ರಿಕ ಶಾಸ್ತ್ರದಲ್ಲಿ ಕೈಗಳ ರೇಖೆಗಳ ಬಗ್ಗೆ ಅಷ್ಟೇ ಇರುವುದಿಲ್ಲ. ಕೈಯಲ್ಲಿ ಇರುವ ಗುರುತು, ಚಿಹ್ನೆಗಳ ಬಗ್ಗೆಯೂ ಲಾಭ ನಷ್ಟ ಗುಣ ದೋಷಗಳನ್ನು ತಿಳಿದುಕೊಳ್ಳಬಹುದು. ಭವಿಷ್ಯದ ಬಗ್ಗೆ ಅನೇಕ ವಿಷಯಗಳನ್ನು ಕಂಡುಹಿಡಿಯಬಹುದು. ವೈಯಕ್ತಿಕ ಜೀವನ, ವೃತ್ತಿ ಜೀವನ, ಪ್ರೇಮ ಜೀವನ, ಧನಧಾನ್ಯ ಲಕ್ಷ್ಮಿಯರ ಮಾಹಿತಿಯನ್ನು ಪಡೆದುಕೊಳ್ಳಬಹುದು. ಅವುಗಳೆಂದರೆ..
ಹಸ್ತದಲ್ಲಿ ಮೀನು : ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ, ಕೈಯಲ್ಲಿ ಮೀನಿನ ಗುರುತು ಇದ್ದವರು ವಿದೇಶ ವಾಸಿ. ಅದನ್ನು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಭವಿಷ್ಯದಲ್ಲಿ, ಸಾಗರಾದೆಚೆಗಿನ ದೇಶಗಳಿಗೆ ಪ್ರವಾಸ ಮಾಡುತ್ತಾರೆ. ಹಣದ ಕೊರತೆಯಿರುವುದಿಲ್ಲ. ಈ ಜನರು ಸಂತೋಷದ ಜೀವನವನ್ನು ನಡೆಸುತ್ತಾರೆ.
ಹಸ್ತದಲ್ಲಿ ಆನೆ : ಒಬ್ಬ ವ್ಯಕ್ತಿಯ ಕೈಯಲ್ಲಿ ಗಜ ಅಂದರೆ ಆನೆಯ ಗುರುತು ಇದ್ದರೆ  ಅವನು ತುಂಬಾ ಬುದ್ಧಿವಂತನಾಗಿರುತ್ತಾನೆ. ಅಂತಹವರು ಅದೃಷ್ಟವಂತರೂ, ಶ್ರೀಮಂತರೂ ಆಗಿರುತ್ತಾರೆ. ವ್ಯಾಪಾರದಲ್ಲಿ ದುಡ್ಡನ್ನು ಗಳಿಸುತ್ತಾರೆ. ಅಲ್ಲದೆ ತುಂಬಾ ಒಳ್ಳೆಯ ಜೀವನ ನಡೆಸುತ್ತಾರೆ.
ಹಸ್ತದಲ್ಲಿ ಸೂರ್ಯ : ಕೈಯಲ್ಲಿ ಸೂರ್ಯನ ಚಿಹ್ನೆಯನ್ನು ಹೊಂದಿದ್ದರೆ ಅವರು ಆಕರ್ಷಕವಾಗಿರುತ್ತಾರೆ. ಹಣವಷ್ಟೇ ಅಲ್ಲ, ಗೌರವವೂ ಸಿಗುತ್ತದೆ. ಸೂರ್ಯನ ಗುರುತನ್ನು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ.
ಹಸ್ತದಲ್ಲಿ ಕಳಶ : ಕೈಯಲ್ಲಿ ಕಳಶದ ಚಿಹ್ನೆ ಇದ್ದರೆ, ಅವನು ತುಂಬಾ ಧಾರ್ಮಿಕ ಸ್ವಭಾವದ ವ್ಯಕ್ತಿಯಾಗಿದ್ದು ದೈವಭಕ್ತರಾಗಿರುತ್ತಾರೆ. ಧಾರ್ಮಿಕ ಕ್ಷೇತ್ರ ಮತ್ತು ಕಾರ್ಯಗಳಲ್ಲಿ ಇವರ ಪ್ರಭಾವ ಜಾಸ್ತಿ. ಧಾರ್ಮಿಕ ಯಾತ್ರೆಗಳನ್ನು ಕೈಗೊಂಡು ಧರ್ಮದ ಪ್ರಚಾರ ಮಾಡುತ್ತಾರೆ.
ಹಸ್ತದಲ್ಲಿ ದೋಣಿ : ವ್ಯಕ್ತಿಯ ಕೈಯಲ್ಲಿ ದೋಣಿಯ ಗುರುತು ಇದ್ದರೆ, ಅಂತಹ ವ್ಯಕ್ತಿಯು ತುಂಬಾ ಅದೃಷ್ಟಶಾಲಿ. ಅಲ್ಲದೆ, ಅವರಿಗೆ ಹಣ ಮತ್ತು ಆಹಾರದ ಕೊರತೆಯಿಲ್ಲ. ಅಂತಹ ಜನರು ಸಮುದ್ರದ ಆಚೆಗಿನ ದೇಶಗಳಲ್ಲಿ ಉತ್ತಮ ವ್ಯಾಪಾರ ವ್ಯವಹಾರವನ್ನು ಹೊಂದಿರುತ್ತಾರೆ.
ಹಸ್ತದಲ್ಲಿ ಪಲ್ಲಕ್ಕಿ : ಕೈಯಲ್ಲಿ ಪಲ್ಲಕ್ಕಿಯ ಗುರುತನ್ನು ಹೊಂದಿದ್ದರೆ, ಅವರನ್ನು ಜನ ತುಂಬಾ ಅದೃಷ್ಟವಂತರು ಎಂದು ಪರಿಗಣಿಸುತ್ತಾರೆ. ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ, ಅಂತಹ ಜನ ಐಷಾರಾಮಿ ಜೀವನ ನಡೆಸುತ್ತಾರೆ. ಜೀವನದಲ್ಲಿ ಭೌತಿಕ ಸೌಕರ್ಯಗಳಿಗೆ ಕೊರತೆಯಿರುವುದಿಲ್ಲ. ಅಂಥವರ ಬಳಿ ಅಪಾರ ಸಂಪತ್ತು ಇರುತ್ತದೆ. ಸೇವಕರು ಮತ್ತು ಕಾರುಗಳನ್ನು ಹೊಂದಿದ್ದಾರೆ. ಉನ್ನತ ಸ್ಥಾನ ಗೌರವ ಹೊಂದುತ್ತಾರೆ.
ಹಸ್ತದಲ್ಲಿ ಸ್ವಸ್ತಿಕ  : ಕೈಯಲ್ಲಿ ಸ್ವಸ್ತಿಕ ಗುರುತು ಇದ್ದರೆ, ಆ ವ್ಯಕ್ತಿಯು ತುಂಬಾ ಅದೃಷ್ಟಶಾಲಿ ಎಂದರ್ಥ. ಅಂತಹ ಜನ ಅದೃಷ್ಟವಂತರು ಮತ್ತು ಉತ್ತಮ ಶಿಕ್ಷಕರು ಕೂಡಾ ಆಗಿರುತ್ತಾರೆ. ಸಮಾಜದಲ್ಲಿ ಗೌರವ ಮತ್ತು ಪ್ರತಿಷ್ಠೆಯನ್ನು ಗಳಿಸುತ್ತಾರೆ. ಉನ್ನತ ಸ್ಥಾನವನ್ನು ಅಲಂಕರಿಸುತ್ತಾರೆ. ಧಾರ್ಮಿಕ ವ್ಯಕ್ತಿಗಳಾಗಿರುತ್ತಾರೆ.